actividades

Visita a Lugo

Lugo de alma romana é un espectáculo teatral, no que o núcleo histórico se transforma nun escenario vivo. Nel danse cita entrañables personaxes que conmoven, fan sorrir e transportan o viaxeiro ao Lugo máis emocionante que está aínda por descubrir.
O espectáculo comeza na praza do Campo e desenvóvense polo contorno da catedral e a muralla.

Catamaran

Unha excursión en catamarán é unha das mellores alternativas para gozar dunhas vacacións en familia. Trátase dunha travesía turística polo río Miño que percorre zonas de grande interese paisaxístico. Parte da área recreativa de Los Robles e chega ata a Acea do Rei Chiquito para finalizar o traxecto no punto de partida. O percorrido ten unha duración aproximada de 30 minutos, e ao longo del poderemos divisar as marxes do río Miño, así como a flora e a fauna que conforma o hábitat da zona.

Ruta miño aberto, río abaixo, reserva da biosfera TERRAS DO MIÑO

Percorrer esta ruta é un paseo delicioso, inmediato á cidade, e constitúe un dos privilexios únicos de Lugo, xa que a cidade conta cuns arredores fluviais esplendorosos accesibles para toda a familia.